Oes bedrief

Wij bint bliede met je bezuuk an de webstee van Terras Restaurant Poolshoogte

Een koppie kovvie met een alderbarstend lekker stukkie appeltaart oet eigen keuken? Een kold glas rosé op een warme zummeraovend? Genieten van een concert in de open lucht met daorbij een lekker happie en een draankie? Een meer as goed verzörgd en heerlijk diner nao een vermuiende fietstocht? Een dag veur de hiele familie met alles derop en deran? Een lunch met zakelijke partners? Een bruloft? Het kan allemaol bij Terras Restaurant Poolshoogte, een plek die waorlijk ienig in zien soort is. Je vindt oes in de boswachterij van Oring. Op de routebeschrieving op dizze webstee kuj het pad naor oes vinden.
In 2009 is Poolshoogte hielemaol verneid.

Terras Restaurant Poolshoogte
Boswachter Meelkerlaan 5
7873 TE  ODOORN
Telefoon: 0591-549952
E-Mail:  info@poolshoogte.nl
 

Wij bint alle dagen vanof 10.00 uur lös.

Wij warkt in Poolshoogte vanoet een open keuken en umdat wij geern alles zo zuver meugelijk op taofel zetten wilt, mugt honden der jammer genog niet in. Op oes terras bint ze vanzölf wal van harte welkom.
 

Een klein beetie geschiedenis

Theehuis Poolshoogte hef zien naam te danken an de oetkiekbult, die der vlakbij stiet. Dizze heuvel is bouwd in de dartiger jaoren as een vörm van warkverschaffing (DUW - Dienst Uitvoering Werken). De bult is umdebij 13 meter hoog en weur ok wal de ‘Bloedbarg’ van Exel nuumd. De heuvel weur ja hielemaol bouwd met schup en krooi en dat leverde helderwat bloedblaoren op. Bovenop de bult kun de boswachter het jonge bos en de umgeving goed in de gaten holden.
In 1968 kwam der op de dartien meter hoge heuvel een oetkiektoren - een olde mast van de NAM - te staon. De bomen waren toen namelijk te hoog worden en um de umgeving toch goed zien te kunnen, mus der wat an daon worden. In 1999 was de olde ‘brandtoren’ niet meer neudig, umdat der eigentiedse middeln kommen waren um de bos in de gaten te holden. In 2000 kwam der een neie oetkiektoren van 18 meter hoog, waor het pebliek ok naor boven mag.

In de vieftiger jaoren weur an de voet van de brandheuvel een klein theehoesie met een rieten dak bouwd. Eerst kuj daor allén kovvie en thee kriegen, later ok frisdrank en ijs.
In 1983 is de familie Venema op het theehoes kommen. Staodigies an weurden de meugelijkheden oetbreid en weur het Terras Restaurant een drokbezöchte plek, waor aj je geweldig goed verwennen laoten kunt. De leste jaoren wordt er op het grote gresveld veur het Terras Restaurant ok geregeld openluchtconcerten geven. Met dank aan Jan Germs van : Huus van de Toal